Presente nga nagakinahangean ro Western Visayas it 16,494 dugang nga mga classroom para sa school year 2022-2023.
Kasunod raya it ginapguwa nga report it regional engineer ag Basic Education Learning Continuity and Recovery Plan (BELCRP) it maeain-eain nga schools division offices.
Base kay DepEd regional information officer Hernani Escullar Jr., may mga school division nga nagakinahang-ean it bag-o nga classrooms bangud eubos raya nga naapektuhan o nasamad it mga nagtaliwan nga bagyo ag kalamidad.
Base pa sa report, sa mga nagakinahangean it bag-o nga classroom, 508 hay sa probinsiya it Aklan; 737 sa Antique; 462 sa Bacolod City; 5,073 sa Capiz; 381 sa probinsiya it Iloilo; ag 9,333 sa Negros Occidental.
Maliban pa sa bag-ong classroom, may 13,941 nga nagakinahangean it minor repairs, 14,464 para sa major repairs, at 811 para sa reconstruction.
Sa presente, nakipag-angot eun ro mga apektadong school divisions sa taeatapan it rehiyon ag mga ahensya it gobyerno kapareho it Department of Public Works and Highways para sa konstruksyon./JIL B. LACSON
