Nagpositibo ang 15 miyembro ng Presidential Security Group (PSG) sa COVID-19.
Sinabi ni PSG commander Colonel Randolph Cabangbang na fully vaccinated ang mga nagpositibo sa swab test.
Ipinunto rin niya na asymptomatic silang lahat.
Tiniyak naman ni Cabangbang na hindi na-expose kay Pangulong Rodrigo Duterte ang mga nasabing tauhan ng PSG dahil kagagaling lamang ng mga ito sa holiday break.
Sinigurado naman ni Cabangbang sa publiko na nanatiling masigla at may kakayahan ang PSG na protektahan ang Pangulo.
