CLEARED na sa iligal nga droga ang kadaghanan sa mga barangay sa Soccsksargen region, kini ang gibutyag ni Aileen Lovitos, director sa Philippine Drug Enforcement Agency (PDEA) 12.
Matud ni Lovitos, gikan sa 1,095 barangay sa tibuok rehiyon naa na lang sa 141 ang pabiling apektado sa pagkatap sa gidiling droga. Apan sa probinsiya sa Sarangani, duha na lang ang apektado sa gidiling droga gikan sa 141 nga barangay.
Samtang 26 na lang ang wala gideklarang drug cleared sa South Cotabato gikan sa 199, 70 gikan sa 480 barangays sa North Cotabato, duha gikan sa 249 barangays sa Sultan Kudarat ug 14 gikan sa 26 ka barangay sa GenSan ang apektado sa gidiling droga.
Giangkon ni Lovitos nga prayoridad nila karong tuiga nga madeklara nang gawasnon gikan sa epekto sa gidiling droga ang tanang barangay. Kahibaloan nga sa unang kwarter sa tiug, misaka na sa P12.1 milyon kantidad sa gidiling droga ang naimbargo sa mga gilusad nga operasyon. I Richel Gubalani
