Kinumpirma ni Batangas Provincial Police Office Provincial Director PCol Jacinto Malinao Jr. na 14 ang nasawi sa nangyaring landslide sa Talisay, Batangas dahil sa lakas ng buhos ng ulan na dala ng Bagyong Kristine.
Mula sa bilang na ito, 12 ang mga bata.
Ayon kay Malinao, na-retrieve mismo ang mga ito sa ikinasang retrieval operations.
Maliban dito, 2 mag-ina pa umano ang hinuhukay nila sa site.
Sa kasalukuyan, umakyat na sa 33 ang nakumpirmang namatay sa Batangas, habang nagpapatuloy pa ang paghahanap ng mga otoridad sa 11 nawawala pa.
