14 ka wanted persons, nadakpan sang Capiz PPO
Nadakpan sang Capiz Police Provincial Office (PPO) ang 14 tanan ka mga wanted person sa bug-os nga probinsya pinaagi sa wala untat nga operasyon sang mga kapulisan.
Sa ila weekly operational accomplishments sumugod Pebrero 19 tubtob 25, 1 ka most wanted person kag 13 tanan ka other wanted ang ginserbihan sang warrant of arrest.
Kapin 24 naman ka armas-luthang ang ginsurrender kag gintugyan, samtang tatlo ka persona ang arestado sa paglapas sa RA 10591 ukon “Comprehensive Firearms and Ammunition Regulation Act”.
Nagdangat sa 31 ka indibidwal ang naaresto sa 6 ka operasyon sang iligal nga pagpangisda kag nagabalor naman sang P1.8 milyon ang mga nakumpiskar nga kagamitan kag isda.
Naglab-ot naman sa P 401,200 ang kantidad sang 65-gramos iligal nga droga ang narekober sa isa ka persona matapos ginkasahan sang drug buy bust operation.
Ang tanan nga operasyon, nangin madinalag-on sa pagpanguna ni Acting Provincial Director Jerome D. Afuyog Jr. pinaagi sa pagbuligay sang pumuluyo kag kapulisan sa probinsya.//KMD Gicalde
