Arestado ang isa ka 53-anyos nga mister matapos nadakpan sa akto nga nagapatigayon sang iligal nga pagpangisda sa Brgy. Basiao, Ivisan, Capiz.
Ginkilala ang naaresto kay Nestor Marcelito Agoncillo, residente sang Sitio Marangkalan sa nasambit nga barangay.
Sandig sa impormasyon nagikan sa Ivisan Municipal Police Station, takna ala 1:30 subong nga hapon nagpatigayon sang seaborne patrol ang mga katapo sang PCG-Ivisan kag Bantay Dagat sang ila namataan si Agoncillo nga nagapatigayon sang iligal nga pagpangisda.
Narekober sa paghinakop sini ang isa ka motor bangka, isa ka 12hp diesel engine kag mga fishing gear/net nga nagabalor tanan sang P40,000.
Sa karon, yara ini sa kustodiya sang Ivisan Agricultures Office para sa nagakaigo nga disposisyon. | Judy Ann Juare
