Ginkumpirma it Aklan Provincial Epidemiological and Surveillance Unit (PESU) nga may dugang nga 12 ka mga kaso it COVID-19 sa probinsiya.
Umpisa kat natabo ro pandemya, nakarekord ro Aklan it kabieogan nga 15,310 ka mga kaso ag 366 na mga namatay.
Sa pihak it mataas nga numero, nakarekord gihapon ro pobinsiya it 97% recovery rate.
Presente nga sa idaeom it Alert Level 1 ro Aklan pero padayon gihapon ro panawagan it mga awtoridad sa publiko nga mahugot nga sundon ro mga ginapatuman nga health protocols.
Dugang pa dikara, padayon man ro vaccination rollout sa maeain-eain nga vaccination site sa probinsiya agud malikawan ro banta it COVID-19 virus./JIL B. LACSON
