Mukabat sa 114 ka mga pamilya ang nakadawat og food packs gikan sa Department of Social Welfare and Development (DSWD) kansa labihang naapketohan sa magnitude 7.4 nga linog sa milabay’ng Disyembre 2, 2023.
Ang mga apektadong indibidwal naggikan sa Brgy. Diwalwal, Monkayo, Davao de Oro diin matag pamilya ang makadawat og usa ka family food pack nga giundan sa kape o gatas, canned goods sama sa sardinas, corned beef o beef loaf, ug bugas.
Gipasalig sa DSWD field Office XI nga maoy nang apod-apod sa mga ayuda nga walay mga komunidad nga apektado sa mga natural nga katalagman ang dili makadawat og hinabang.
Ang pagpanghatag sa maong hinabang ang dili lamang pagtubag sa mga panginahanglanon sa mga apektadong pamilya apan nagsilbi usab kini nga paglaum sa mga nahisgutanan ug pamatuod nga wala sila pasagdi sa gobyerno human sa ilang nasinatian sa linog.
