Alang sa hapsay nga transaksiyon sa mga manguliay o mubyahe sa tagsa-tagsa nila ka probinsiya karong holiday season, mamahimo nang maka-book online sa ticket sa bus sa Davao City Overland Transport Terminal kon (DCOTT).
Sumala pa sa labaw sa DCOTT nga si Aisa Yusop, dali na lamang kini alang sa mga mubyahe ug dili na sila kinahanglan nga muadto’g sayo sa terminal, dili sama kaniadto nga mulinya pa aron nga makapalit og physical ticket.
Dugang pa ni Yusop, nga bisitahon lamang ang ilang official website diin makabook og ticket ug sundon lamang ang mga instruction paunsa maka-book sa ticket.
Pagpasabot pa sa opisyal nga sama na kini og eroplano diin imung masayran kung kanus-a ang imung byahe, naay lingkuranan ug kung unsa orasa mularga ang bus nga imung sakyan.
Nanghinaut na lamang ang opisyal nga ang maong sistema makatabang sa pagkontrol sa mga pasahero karong holiday.
