PORMAL nga gitugyan sa lokal nga panggamhanan sa Gensan ang 11 ka mga brand new operational patrol cars ngadto sa General Santos City Police Office asa gamiton kini sa 10 ka mga police precincts sa siyudad ug 1 alang sa Gensan Police Headquater.
Ang 11 ka 4×4 pickup truck ang gigahinan og pondo nga mukabat sa kapin P26 Million nga gikan sa Peace and Order Program ug Local Task Force Program sa LGU.
Usa ang Bula Police Station sa makadawat og brand new operational car ug mamahimong madugangan matud pa ang ilang behikulo aron magpabilin ang seguridad ug aron pakusgan pa ang peace and order sa ilang nasakupan.
Dakong tabang matud pa ang mga bagong operational patrol cars sa mga ginahimong operasyon ug monitoring sa kapulisan aron magpabilin ang kahapsay ug kalinaw sa syudad ug aron nga mas mukunhod pa ang ihap sa kriminalidad sa siyudad.
Sa gihimong pag turn-over sa mga behikulo nahimong present ang mga chief of police gikan sa 10 ka mga presinto sa siyudad ingon man si Mayor Lorelie Pacquiao. Gawas sa 11 ka mga bagong behikulo alang sa kapulisan sa Gensan may mga bagong ekipo na usab ang gipalit nga sama sa lifter truck ug mga abulansya alang sa siyudad. I MJ Fernandez
