Misurender ang 10 ka mga kanhing rebelde sa sabakan sa gobyerno sa Barangay Gupitan, Kapalong, Davao del Norte.
Gipresenta ang mga nahisgutan ngadto sa 60 Infantry Battalion sa Philippine Army sa nahisgutang lalawigan.
Una ng gibutyag sa lokal nga kagamhanan sa Kapalong nga sulod sa 10 ka mga surrenderee 5 niini ang menor de edad.
Sumala pa sa mga nahisgutan nga ang hinungdan sa ilang pagbalik sa sabakan sa gobyerno kini gumikan sa kalisod sa ilang nasinatian sama sa walay insaktong pagkaon, walay panginabuhian ug ilabi na ang walay saktong edukasyon.
Tungod niini, nagpadayon karon ang panawagan sa mga otoridad ngadto na sa mga teroristang grupo nga andam ang gobyerno nga dawaton sila kung ugaling gusto niini mubalik sa gobyerno.
Kahinumdoman nga pipila na sab ka mga rebell returnee ang nahatagan og dakong oportunidad sama sa edukasyon ug livelihood human nga nakighiusa sa gobyerno. BNFM-Davao
