Gibutyag ni Assistant Provincial Health Officer, Dr. Liland Estacion nga anaa na sa 10 percent sa total target population nga 879,635 ang nabakunahan sa probinsya Negros Oriental.
Apan bisan pa niini padayon pa ang ilang validation ug nagpadayon pa usab ang pagpamakuna sa nagkadaiyang vaccination sites sa mga siyudad ug kalungsoran.
Dugang ni Estacion nga ang top 10 performing LGUs kon paspas nga nagpahigayon sa ilang pagpamakuna mao ang lungsod sa Ayungon, Bacong, Bais City, Bayawan City, Dumaguete City, Mabinay, Siaton, Tayasan, Vallehermoso ug ang lungsod sa Dauin.///Glennel D. Cuyos
