Muabot sa 10 ka mga pamilya ang gihikling sa Medina MDRRMO o Municipal Disaster Risk Reduction and Management Office homan sila naapektuhan sa pagbaha tungod sa nasinatian nga kusog nga pagbundak sa ulan tungod sa LPA o Low Pressure Area.
Gipahalag ni Misamis Oriental Provincial Disaster Risk Reduction and Management Office Head Fernando Vincent Dy nga 3 lamang ka Barangay ang naapektuhan sa pagbaha sa lungsod sa Medina.
Muabot sa 5 ka pamilya gikan sa Barangay South Poblacion, 4 ka Pamilya sa Barangay Duka, ug 1 ka pamilya sa Barangay South Poblacion sa nahisgutang lungsod ang gihikling sa gipahigayung pre-emptive evacuation sa MDRRMO.
Hinoon, gipahayag sab ni Dy nga gilaumang karong buntaga makabalik na sa ilang tagsa-tagsa ka mga panimalay ang maong mga pamilya nga gihikling tungod sa paghupay na sab sa nasinatian nga pag-ulan ug pag ubos na sa tubig baha. Nasayran nga gawas sa Medina, naapektuhan sab ang lungsod sa Talisayan ug Salay Misamis Oriental sa pagbundak sa ulan sap ag-apaw sa spill way apan sumala sa PDDRMO, walay mga residente nga nahikling tungod sa maong sitwasyon. END
