REHISTRADO na ilawom sa national ID system ang naa sa 10,281 katao sa GenSan. Ang maong ihap ang gikan sa 612,000 punting nilang marehistro bag-o paman matapos ang kasamtangang tuig.
Matud ni Dennis Mapa, undersecretary sa Philippine Statistic Authority sa tibuok nasud naa sa 50 hangtud 70 milyon ang punting nilang makaparehistro karong tuiga.
Tumong nga ma-rehistro ang tanang Pilipino ug mahatagan ug valid ID nga mahimong gamiton sa tanang government transaction. Tungod usab sa pandemya nga dala sa Covid-19, gitunga nila ang tulo ka proseso sa pagkuha og ID.
Sama sa pagkuha og demographic information sama sa pangalan, birthday, address ug uban pang basic information. Gihimo nilang house to house assisted step one registration process ug mahimo usab ang online registration.
Ang house to house ang gihimo subay sa listahan sa Department of Social Welfare and Development Office (DSWD) nga anaa sa priority list. Ang Step 2 mao ang pag-adto sa mga mall asa didto na kuhaon ang tulo ka mga biometrics nga mao ang finger print, iris scan ug ang picture.
Ikatulong step mao ang pagpa-ilalom sa de-duplication tumong niini aron masigurong walay mga duplication sa mga nagparehistro. Kung walay kapareho, hatagan og PSA number bag-o makuha ang ID kung asa aduna pay proseso nga agian niini. . ( Richel Gubalani)