Dead on arrival sa Bailan District Hospital ang isa ka mamumugon samtang pilason naman ang pakaisa sini matapos nakuryente sa Barangay Aranguel, President Roxas, Capiz.
Ginkilala ang napatay kay Edmund Bonayon, 22-anyos, samtang ang pilason amo si Romar Bonayon, 22-anyos kag lunsay residente sang nasambit nga lugar.
Sandig sa imbestigasyon sang President Roxas PNP, nagabulig patindog sang poste sang isa ka telecommucation company ang magpakaisa, apang aksidente nga nagduot sa live wire sang CAPELCO ang poste nga ila ginapatindog rason sang ila pagkakuryente.
Gilayon nga ginpadangat sa ospital ang mga biktima apang si Edmund ang wala na matabangan pa. | Judy Ann Juare
