Patay ang angkas samtang angol ang duha ka driver homan nagbangga ang duha ka motorsiklo ug sakyanan pasado alas 4 niaging kadlawon sa National Highway Brgy. Buenavista Calatrava Negros Occidental.
Sa imbestigasyon sa kapolisan ang pula nga motorsiklo nga gimaniho ni Jose Roger Rodriguez, 21 anyos ug angkas niini nga si Jerry boy Sarabia, 19 anyos nga taga So. Paraiso Brgy. Refugio Calatrava gikan kini namesta sa Brgy San Isidro padulong na kini sa ilang pinuy-anan pag abot sa National Highway sakop sa Brgy. Beunavista kalit nibangga sa blue nga motorsiklo nga gimaniho ni Mario Commission , 62 anyos , minyo ug residente sa Hda. Aquilis Brgy. San Isidro Calatrava Negros Occidental.
Nangalagpot ang duha ka motorsiklo diin ang motorsiklo nga pula nalagpot paingon sa pula nga KIA nga gimaniho ni Danny Mejia, 48 anyos ug pasahero nga si Ma. Jovana Rodriguez, 43 anyos pulos residente sa Purok 2 Brgy, Basak Guihulngan Negros Oriental.
Daling gidala sa balay tambalanan ang mga driver sa duha ka motorsiklo diin ang angkas niini gi-deklarang dead on arrival sa attending physician.
Sa pakighinabi sa Brigada News Team kang Deputy Cheff of Police sa Calatrava Pcpt. Jess Alba ang duha ka driver sa motorsiklo nagpabilin sa tambalanan gumikan sa naangkon nga mga samad sa lawas tungod sa maong aksidente.
Samtang anaa karon sa maayong kahimtang ang mga sakay sa KIA nga sakyanan.
