Napalgan ang usa ka patay nga bag-ong himugso nga puya sulod sa usa ka shoe box sa OUANO AVENUE sa Brgy. Subangdaku, Mandaue alas 6:30 sa buntag.
Ang maong shoe box, gisulod pa usab sa usa ka maroon nga bag.
Ang insidente gireport sa usa ka lumulopyo sa Centro Police Station Nga gilayun usab giturn-over sa istasyun ang lawas ngadto sa City Social Welfare And Services alang sa paglubong.
Ang puya usa ka lalaki ug giingun’g anaa na sa walo ngadto sa siyam ka buwan.
Matud ni Police Lieutenant Colonel Mercy Villaro, ang tigpamaba sa Mandaue City Police Office nga padayun karun ang imbestigasyun aron masuta kung kinsa ang nagbilin sa patay nga bata.
Kung matino ang identity sa naglabay mahimo kini’ng mapasakaan og kaso nga infanticide. | Mary Rose Sagarino
