Inaasahang darating ngayong araw ang first tranche ng AstraZeneca vaccines na na-procure ng pribadong sektor.
Ayon kay Presidential adviser for entrepreneurship at Go Negosyo founder Joey Concepcion, iwe-welcome nila ngayong araw ang kabuoang 1.15-million doses ng AstraZeneca vaccines na na-order ng pribadong sektor.
Dagdag ni Concepcion, madadagdagan pa ito ng 1.15-million doses sa Agosto habang ang natira ay inaasahang ipadadala sa mga susunod pang buwan.
Inihayag ng opisyal na aabot sa kabuoan na 2.75-million na empelyado mula sa tinatayang 500 kompanya ang inaasahang makikinabang sa mga darating na bakuna.
Iginiit ni Concepcion na ang nasabing inisyatibo ay bahagi ng marami nitong kontribusyon para makatulong sa bansa laban sa COVID-19.
