Nadiskubre ng kapulisan ang matataas na kalibre ng baril at pampasabog sa Sta. Teresita at Lal-lo, Cagayan.
Ayon sa Police Regional Office 2, kabilang sa mga nakumpiska ay isang unit ng M-14 rifle, 21 piraso ng 7.62 ammunition, isang magasin ng M-14, improvised explosive component at iba pang uri ng baril at pampasabog.
Sa ngayon ay idinala na sa Sta. Teresita Police Station ang mga nakumpiskang pampasabog at baril para sa karagdagang dokumentasyon at kaukulang disposisyon.
Pinuri naman ni PBGen Christopher Birung ang Acting Regional Director ng PRO2 ang mga kapulisang tapat na isinasagawa ang tungkulin upang mawakasan ang insurhensiya sa Lambak ng Cagayan.
