Muling ibinandera ang gandang Cauayeña matapos tanghaling Miss Tourism Philippines Universe si Julie Mae Villanueva sa katatapos na Miss Tourism Philippines 2023.
Si Julie Mae ay isang Bachelor of Science in Pharmacy graduate na tubong Cauayan City kung saan siya rin ang itinanghal na Queen Isabela Tourism 2023.
Sa September 2024 ay nakatakdang sumalang sa international pageant si Villanueva sa Lebanon kung saan iwawagayway nito ang bandera ng bansang Pilipinas.
