Nakuha ng Isabela State University – College of Law ang pinakamataas na overall performance score sa nakaraang 2023 Bar Examination para sa buong lambak ng Cagayan.
Base sa datos ng Office of the Bar Confidant-Supreme Court, nakapagtala ang ISU-COL ng 34.77%; sinundan naman ito ng Saint Mary’s University na mayroong 29.63%; habang nasa ikatlong pwesto naman ang Northeastern College sa Santiago City na may 26.32% overall score.
Samantala, 22.86% naman ang overall score ng University of Cagayan Valley; 21.74% sa Cagayan State University; 21.62% sa Kalinga State University, at nakakuha naman ang University of La Sallete ng 14.29%.
Kung matatandaan, noong December 5, 2023 inilabas ng Korte Suprema ang listahan ng mga pumasa sa Bar Exam kung saan mula sa 10,387 examinees ay tanging 3,818 lamang ang mga pumasa.
