Umabot na sa animnapu’t isa ang kaso ng fireworks-related injury sa Lambak ng Cagayan matapos ang pagdiriwang ng kapaskuhan at bagong taon.
Batay sa ibinahaging datos ng Department of Health Region 2, mula sa nasabing kaso ang animnapu ay gumaling na habang ang isang biktima naman ay naka-admit pa sa pagamutan.
Mayorya sa nasabing kaso lalaki at nasa 7 hanggang 76 ang kanilang edad at karamihan ay mula sa probinsya ng Isabela.
Mula sa 61 na bilang, 54 ang nagtala ng blast/burn injury without amputation, walo ang nakaranas ng eye injury habang isa naman ang nagkaroon ng blast/burn injury with amputation.
Kaugnay dito, limampu’t dalawang porsyento mula sa nasabing biktima ay kwitis ang ginamit na paputok.
Samantala, wala pa namang naitatala na kaso ng fireworks ingestion at tinamaan ng ligaw na bala.
