NAGA CITY –Hinihintay pa hanggang ngayong ng City Social Welfare and Development Office ang pondo para sa social pension na tig isang libong piso para sa mahigit tatlong libong senior citizens sa Naga City para ngayong 2024.
Paliwanag sa Brigada News FM Naga ni Annabelle Vargas ,head ng CSWDO, sinabi niyang maging sila ay nagtataka na rin dahil sa nababaan na ng pondo ang ibang lokal na pamahalaan at naibigay na sa mga lolo at lola ang kanilang social pension tulad ng sa Magarao, Camarines Sur.
Anya’y wala silang magagawa kundi at maghintay at ipaliwanag sa mga ito ang sitwasyon kasabay na pangako na naman na agad ibibigay kapag dumating na ang pondo.
