Magsasagawa ang Department of Agriculture Region 2 ng pamamahagi ng libreng abono sa mga kwalipikadong magsasaka sa Lambak.
Sa nakuhang impormasyon ng 92.9 Brigada News FM Cauayan, mula sa 20,000 metric tons na ipinamahagi sa Region 1,2,3,4a at 5 ay nasa 125,000 bags ang inilaan sa rehiyon dos.
Dumating na rin ang sampung sasakyan na nagdeliver sa nasabing bilang ng abono.
Ang mga kwalipikadong magsasaka na mabibigyan ay mga magsasakang nakapagtanim na ngayong wet season, mga nabigyan ng binhi at rehistrado ng Registry System for the Basic Sectors in Agriculture o RSBSA.
Sa mga magsasakang mayroong palayan na 0.1 hanggang 0.6 hectare at makatatanggap ng isang bag ng urea habang dalawang bag naman ang mga mayroong isang ektaryang sakahan.
Dagdag pa ng DA Regional Field Office 2 ang mga magsasaka na tatanggap ng abono ay kailangan magpresenta ng valid government ID at kanilang picture.
