Nasamsam ng mga awtoridad ang tinatayang nasa 2.3 na gramo ng hinihinalang shabu na nagkakahalaga ng P15, 640 mula sa isang lalaki sa Lungsod ng Santiago.
Ayon sa Police Regional Office 2, ang naaresto ay isang Street Level Individual o nagtitinda lamang sa loob ng lokalidad na kinilalang si alyas “Jeff”.
Kaugnay nito, inihayag naman ni PRO2 Regional Director PBGEN Christopher Birung na ang pagkaka-aresto nito ay malaking tulong sa pagpuksa sa supply ng mga ipinagbabawal na gamot sa lungsod ng Santiago.
Tiniyak naman ng opisyal na buo ang kaniyang suporta sa mga anti-illegal drug campaign sa Lambak ng Cagayan sa pamamagitan ng koordinasyon sa iba pang mga law enforcement agencies sa rehiyon.
