KANUNAYNG ginapahimangnuan ang Yellow Bus Management (YBL) Incorporated nga hugtan ang ilang security measures aron malikayan ang pabalik balik nga pagpabusikad sa ilang unit.
Kini ang gibutyag ni Philippine Army 6th Infantry Division commander M/Gen. Roy Galido human sa pagbusikad sa usa ka suspected Improvised Explosive Device(IED) sulod mismo sa usa nila ka unit sa Brgy.New Isabela,Tacurong City, Sultan Kudarat Dominggo alas 11 pasado sa buntag, Nobyembre 6.
Dugang pa ni Galido nga lakip ginapalikayan sa YBL nga mag pick up og pasahero sa dalan.
“We have constantly reminded them to follow strictly their policy. May policy din sila na only defined pickup points ang isasakay nila para may inspection process,”matud ni Galido.
Sa ulahing insidente sa pagpabusikad sa bus sa YBL, 1 ang patay ug 11 ang samaron.
Matud ni Galido kini na ang ikatulong bus bombing incident sa Mindanao ning tuiga, ang laing duha ka susamang insidente nga pagpabusikad sa bus nahitabo sa Maguindanao ug Koronadal City sa South Cotabato.
