PAGMUGNA og buhatan ug paghimo og balaud nga mututok sa pagbatok sa pagpang-harass ug diskriminasyon alang sa LBGTQIA+ community ang panawagan sa labaw sa Shine Soccsksargen usa ka grupo sa mga Lesbian, Gay, Bisexual, Transgender, Queer.
Gibutyag ni Cris Lopera nga kinahanglan na mahatagan og pagtagad ang mga dugay nang gihangyo sa pipila ka mga miyembro sa LGBTQIA+ nga sila makaangkon og respeto tungod dili ikalimod nga sa komunidad adunay dili dawat ang ilang pagkatawo rason nga makasinati ang pipila kanila og diskriminasyon ug pagpangharass.
Nanukad ang maong pahayag human nga mag viral sa social media ang nahitabo sa usa ka LGBT member sa Gensan nga nahimong pasahero sa usa ka tricycle driver nga naaktohan sa video ang himong sexual harassment kay alias Roger samtang gamaneho ug buot makighilawas kaniya.
Sumala pa niini nga dili ikalimod nga dili lang ka usa kahigayon nga adunay susamang insidente rason nga naghinaut kini nga adunay mupanday og balaud ug magmugna og buhatan alang sa mga LGBT.
Human mag viral ang video sa tibuok dakbayan sa Gensan, nakaangkon kini og libuan ka mga reaksyon, shares og views apan nasuta nga gi-take down na ang maong video sa Facebook.
Apan bisan pa man, opinyon ni Lopera nga angayang imbestigahan kung unsay tinuod nga nahitabo aron dali nga maaksyunan og mahatagan og patagad.
Pagbaton og respeto sa isigkaingon bisan usa pa man ang pagkatawo babayi, lalaki, Gay o Lesbian angayang adunay lugar sa komunidad. I MJ Fernandez
