Nangin madinalag-on ang ginhiwat nga World NO Tabacco Day 2023 caravan sa pagpanguna sang No Smoking Health Warriors sang Capiz Provincial Health Office.
Tinutuyo sang amo nga Caravan nga ipa-alinton sa mga pumuluyo ang mga makamamatay nga epekto sang pagpanigarilyo.
Ang World No Tabacco Day ang tuigan nga selebrasyon sa bug-os nga kalibutan kag ginahiwat sa ika-31 sa Mayo.
Kaupod sang Capiz PHO nga nagpatigayon sang caravan ang hubon sang Philippine College of Chest Physicians, Capiz Medical Society, public and private hospitals, Rural Health Unit kag public health workers nagikan sa mga LGU’s. | KMD Gicalde
