Wala sang requirement nga drug test sa pagfile sang Certificate of Candidacy (COC) sa mga magapapili sa maabot nga Barangay kag Sangguniang Kabataan Elections 2023.
Ini ang ginkumpirma ni Provincial Elections Supervisor IV Atty. Will Arceño sang mainterview sang Brigada News FM Roxas City.
Suno kay Arceño, lima lamang ang qualifications nga dapat ipatuman sang COMELEC sa luyag magpapili sa eleksyon.
Dugang pa sini, sadto lakip ini sa mga requirements apang nagdisisyon ang Korte Suprema nga ‘unconstitutional’ ang mandatory drug test sa mga kandidato. Mainit subong nga isyu, ang impormasyon nagikan sa PRO6 nga may yara 76 ka mga barangay officials sa Western Visayas ang may kahilabtanan sa iligal nga droga kun sa diin ang may pinakamadamo ang probinsya sang Capiz.//
