Ininspeksyon na ng World Bank ang lugar sa Olongapo na planong pagtayuan ng Fish Port sa Brgy.Kalaklan.
Ito ay isa sa mga proseso para malaman kung papayagan ang pangungutang ng Bureau of Fisheries and Aquatic Resources para pondohan ang proyekto.
Ayon kay OIC City Agriculture Francis Maniago, nasa 25 hanggang 30 million pesos ang magagastos para maitayo ang proyektong pinili ng city government na maging grant ng BFAR para sa lungsod.
Sakaling maaprubahan ang loan ng BFAR sa World Bank at maitayo ang Fish Port, inaasahang makakapagparami ito ng suplay ng isda sa lungsod at magpapababa sa presyo nito.//Christian Andres-BNFM OLONGAPO
