Pumapalo na sa 22,000 na mga manggagawa sa pribadong sektor ang nag-aplay para sa cash assistance ng gobyerno, sa gitna ng Alert Level 3 status sa National Capital Region at iba pang lugar.
Ayon sa Department of Labor and Employment, ang naturang mga workers ay pormal na sumailalim sa proseso, para makakuha sa alok na COVID-19 Adjustment Measures Program (CAMP) 3.
Kaugnay nito, mahigit 5,000 na sa kanila ang mga naaprubahan na.
Sinabi naman ni Labor Asst. Secretary Dominique Tutay, na halos 12,000 na mga applications ay kailangang pang sumailalim sa evaluation, habang may mahigit 4,000 ang beneberipika.
Samantala, hindi naman kasama sa cash aid ang mga empleyado ng gobyerno, maging ang mga benepisyaryo ng DOLE-Department of Tourism CAMP Odette+ program. //MHEL PACIA-TRINIDAD
