LEGAZPI CITY – Pig-aabangan na kan mga Legazpeño an napaparaning paskuhan sa Legazpi City ngunyan na bulan nin Disyembre.
Sinabi ni City Tourism Officer Cristina Pacres sa Brigada News FM Legazpi na kan nakaaging Martes, sinagibo ninda an pinal na pag-orolay dapit sa pagpaplano sa nasambit na aktibidad.
Napag-orolayan na sa Nobyembre 15, mapoon na an pagbubugtak nin dekorasyon katabang an mga tourism partners asin sa Desyembre 1, bubuksan na ini.
Magkakaigwa man nin Christmas lighting partikular na sa Sawangan Park sa Brgy. Dapdap asin boulevard sa Brgy. Puro.
Tuyo man na weekend, magkakaigwa man su boot nin entertainment siring kan musical.
Katabang man ninda an manlain-lain na law enforcement units kan syudad nganing masyerto na salbado man an pagbubugtak kan mga dekorasyon.
