Base sa pag-istudyo it the Philippine Genome Center (PGC) nakapaglista ro Western Visayas it 42 nga mga kaso it maeain-eain nga mga variants it COVID-19 virus.
Sa nasambitang rekord, 15 hay ro Alpha; 23 man ro Beta, ag ap-at ro Theta.
Ro mga lugar nga may aktibo nga kaso it Alpha variant hay Antique nga may 7, Iloilo City nga may 4, Iloilo province nga may may 2, ag tig-sambilog man sa Capiz ag Negros.
Ro mga probinsya man nga may Beta variant hay Iloilo nga may 16, tig-daywa sa Iloilo City ag Capiz, ag tig-sambilog man halin sa Aklan, Negros Occidental ag Antique.
Samantala, ro P.3 variant hay nadetect sa mga lugar it Iloilo, Bacolod, ag Guimaras.
Sa presente ro Department of Health (DOH) hay nagakooperar sa mga lokal nga gobyerno para makumpleto ro profile it mga kaso para sa contract tracing ag backtracking./JIL B. LACSON
