Patay ang usa ka welder human nalumos sa usa ka beach sa Barangay Astorga, Sta. Cruz, Davao del Sur kaganinang hapon.
Ang biktima giila sa Sta. Cruz Municipal Police Station nga si Florintino Antolin Jr., 42-anyos nga residente sa nasangpit nga lugar.
Sumala pa nga nagkalingaw og langoy ang biktima uban sa iyang mga higala sa dihang kalit na lamang kining nalumos.
Gisulayan pa og dala sa ospital ang biktima apan gideklara na kining patay sa mananambal.
Nasayran nga una nang nag-inom ang biktima og posibleng hubog kini nga milangoy sa dagat. BNFM-Davao
