Tanggong karon sa prisohan ang duha ka indibiduwal human nadakpan sa gipahigayon nga drug buy bust operation sa Talomo, Davao City niadtong milabayng hapon.
Ang mga suspek gisikop sa mga sakop sa Ecoland Police Station kinsa giilang sila Cris Vel John Araneta, 21-anyos ug Mike Darrell Baugbog, 19-anyos nga pulos taga Talomo ning syudad.
Sumala pa nga atol sa drug buy bust operation napalitan ang duruha og droga sa pulis nga nagtakubang buyer og didto nakuha gikan kanila ang mga putos sa gitoohang shabu nga mubalor sa P1,000,000.
Kasong paglapas sa R.A 9165 o Comprehensive Dangerous Drugs Act of 2002 ang atubangon ang duruha nga dinakpan. BNFM-Davao
