Gintupok sang kalayo ang isa ka warehouse, biyernes sang gab-i, sa New Road, Barangay Banica, Roxas City kag gindeklarar nga fire-out.
Ang nasambit nga edipisyo ang ginapanag-iyahan ni Steven Chua, yara sa husto nga edad, negosyante kag residente sang Barangay Tanza, sining siyudad.
Sa interview sang Brigada News FM kay F/INSP. Delsie Borja, Caretaker sang Roxas City Fire Station nakabaton sila sang tawag nga nagakasunog ang nasambit nga warehouse takna alas 6:30 sang gab-i, Enero 5, 2024.
Gilayon nga nagresponde ang katapo sang bombero apang tuman ka kusog sang kalayo rason nga ginbatak sa fire alarm level 3 ang nasambit nga sunog rason nga nagresponde ang mga firetrucks nagikan sa kalapit nga banwa magluwas sa mga firetrucks dire sa siyudad sang Roxas kun sa diin gindeklarar ini nga fire out alas 3:00 kaina sang kaagahon.
Nahibaluan, nga naga-unod ang amon nga edipisyo sang nagkalain-lain nga mga plasticwares, hardwares, kag electrical equipment’s. Sa karon nagapadayon pa ang imbistigasyon sang mga otoridad sa gintunaan sang kalayo kag ang balor sang kahalitan nga ginbilin sang amo nga sunog.//KMD Gicalde
