Dakop sa akto sang mga kapulisan ang isa ka senior citizen matapos nagapatigayon sang iligal nga bookies ukon ‘Pick 2’ sa Sitio Pinaypayan, Barangay Lanot, Roxas City.
Ginkilala ang akusado kay Belinda Cadiz, 64-anyos, kasado kag residente sang Brgy, Bolo, sining siyudad.
Nakuha sa paghinakop sang tigulang ang P100 nga bet money; 1 sealed plastic nga naga-unod sang P461 nga coins sa nagkalain-lain nga denominasyon; 1 notebook nga may nakasulat nga mga numero; 2 ballpen kag 1 ka sling bag.
Sa karon, nagapabilin ang suspek sa kostudiya sang Roxas City PNP kag natalana nga magapangatubang sang PD 1602 nga gin-amyendahan sang RA 9287 ukon ang ‘Illegal Numbers Games’.
