PAGPALIG-ON sa kampanya sa gobyerno batok iligal nga droga ilawom sa administrasyon ni President- elect Ferdinand Marcos Jr. Matud ni Naravy Duquitan, director sa Philippine Drug Enforcement Agency (PDEA-12) kung law enforcement ang pukos ni Pangulong Rodrigo Dutere.
Nagtuo siya nga sa bag-ong administrasyon, himoong prayoridad ang paghimong moderno sa rehabilitation program. Kini aron mahatagan og tyansa nga mareporma ang mga nagumon sa paggamit og gidiling droga. Sa rehiyon-12, pipila ka Balay Silangan ang gitukod ug pipila ka drug rehabilitation center ang gimuntar.
Ang kampanya sa Pangulong Duterte, ang nahimong epekto nga nakatabang og dako sa kahapsay ug kalinaw sa nasud. Gihingusgan ni Duquitan nga angayang gawasnon sa pulitika ang kampanya ug napatud-an na nga ang kampanya ang nakapaubos sa ihap sa krimen. Sa rehiyon-12, gikan sa 1,095-ka barangay naa na sa 945 ang cleared sa pagkatap sa iligal nga droga. I Richel Gubalani
