KALIBO, AKLAN—Naaresto sa probinsya it Aklan do sangka wanted person sa Pasay nga may kasong illegal drugs.
Ginkilaea do akusadong si Jonathan Peralta, 38 anyos ag residente it Brgy. Jugas, New Washington, Aklan.
Nasayuran nga ku June 21, 2021 ginpaguwa do warrant of arrest kontra sa akusado sa kasong pag-eapas sa Section 11 it RA 9165 (Illegal Possession) ni Hon. Edilwasif T. Baddiri, Presiding Judge, Regional Trial Court, Br.115, Pasay City.
Sa makarun hay temporayong sa kustudiya it New Washington PNP si Peralta agud nga ipaidaeom sa documentation bago i-turn over sa korteng natungdan.// SHERRY ANNE REUNIR-VIDAL
