LEGAZPI CITY – Arestado kan mga otoridad an sarong lalaki na wanted sa kasong estafa sa Brgy. Tagas, banwaan kan Daraga, Albay.
Binisto an akusado na si alyas Reynaldo, 40 anyos, single, driver technician, asin residente kan Brgy. Binitayan kan nasambit na banwaan.
Nadakop ini sa kusog kan mandahamiento de aresto para sa nasambit na kaso na may piyansang P10,000.
Kapot na ini ngunyan kan pulisya para sa magkakanigong disposisyon.
