LEGAZPI CITY – Uminabot sa trenta y kwatro mil de pesos na kantidad nin shabu an nakumpiskar kan mga operatiba sa ikinondusir na buy-bust operation sa Purok 6, Brgy. Iraya, banwaan kan Guinobatan, Albay na ikinaarestar nin sarong alyas Boyet, 34 anyos asin residente kan kaparehong lugar.
Pinangenotan kan Guinobatan Municipal Police Station an operasyon, kaibahan an ibang unit nin pulisya sa pakikipagtabangan sa Philippine Drug Enforcement Agency (PDEA) Bicol na nagresulta sa pagkakakumpiskar nin sarong selyadong plastic sachet nin pinagtutubudang shabu asin duwa pang dakulang selyadong plastic sachet kaini na may pigkakalkulong timbang na poko mas omenos 5 grams, sarong genuine 500-peso bill na buy-bust money asin sarong bala nin caliber .22.
Nasa kustodiya na ini kan mga otoridad para sa magkakanigong disposisyon.
