Miapela karon ang Department of Social Welfare and Development kon DSWD-XI sa mga myembro-benipisyaryo sa Pantawid Pamilya Pilipino Program kon 4Ps nga dili mabalaka sa huhungihong nga matanggal sila sa listahan, tanggalan og cash grants sa higayon nga dili sila magpabakuna sa nagpadayong vaccination rollout.
Sumala kang DSWD-XI Spokesperson Kristelle May Cagatin sa interview sa Tira Brigada kagahapon, gitataw nga wala nalakip sa conditionalities ubos sa RA 11310 ang mandatory nga pagpabakuna sa COVID-19.
Gitataw sa opisyal usa sa kondisyon sa balaud ang regular nga pagtambong sa family development sessions, pagpaeskwela sa mga anak, regular nga chek-up sa mga bata lakip ang deworming ug pagpabakuna.
Busa dili mamahimong undangon, kaltasan ug hadlokon ang mga benipisyaryo nga nalakip sa A5 priority group. nga gipiling dili magpabakuna sangit kaugalingon matud pa kini nga desisyon.
Luyo niini, giawhag pa gihapon sa ahensya ang mga benipisyaryo nga mas maayo magpabakuna aron dunay proteksyon sa batok sa virus apan gibarugan nga dili kini mandatory ug dili dugang kondisyon sa 4P’s. BNFM-DAVAO
