Gianunsyo sa Davao City Water District nga dunay water interruption karong umaabot nga Agosto 12 ug 13, 2023 diin apektado niini ang Line 2 Dumoy Water Supply System.
Ang mga lugar nga maapektuhan mao ang tibuok Barangay 5-A hangtod 10-A.
Pipila ka mga kugar usab sa Brgy. 19-B nga gilangkuban sa pipila ka bahin sa Mineral Village, Garcia Heights, tibuok area sa Stella Maris Village, Monfort Village, Fatima Village; Ledesma Subd., EMP Village Phase 2, Garden Park Village ug Doña Vicenta Village Phase 2.
Nangayo na lamang ang ahensiya og pagsabot ngadto sa mga maapektuhan, kini gumikan alang lamang sa kaayuhan sa tanan.
Mawad-an og tubig sugod alas-8:00 sa buntag sa petsa 12 hangtod alas 12:01 sa Dominggo, August 13, 2023.
Alang sa dugang pangutana mamahimo lamang nga mukontak sa DCWD’s emergency hotline number 244-6767 o sa numerong 0927-798-8966.
