Iniulat ng Derpartment of Education na wala pa ring nagpopositibo sa COVID-19 sa mga learners, pati na rin sa mga teaching at non-teaching personnel.
Sa pulong balitaan, sinabi ni DepEd spokesperson Atty. Michael Poa na mula nang magbukas ang klase nitong Agosto 22, walang na-infect ng nakahahawang virus kahit na mayorya ng mga paaralan ay nagpatupad na ng face-to-face classes.
Sa kabila nito, tiniyak ni Poa na tuloy-tuloy pa rin ang pagpapatupad ng mahigpit na health protocols sa mga paaralan para masigurong hindi magkakahawahan ng COVID-19.
Pagdating naman sa vaccination status ng mga learners, sinabi nito na isinasagawa pa rin ang counseling kasama ang mga magulang para malaman kung sino ang willing mabakunahan sa mga paaralan.
