EPEKTIBO na sunod bulan ang bag-ong minimum wage rates sa Soccsksargen region, base sa anunsiyo sa Regional Tripartite Wages and Productivity Board sa Soccsksargen ((RTWPB–12) Martes.
Kini human gipalig-on sa National Wages and Productivity Commission (NWPC) ang dugang suhol nga gimandu sa RTWPB sa rehiyon-12. Sa rehiyon, ang bag-ong dugang sa suholan ang mo- ‘take effect’ sa June 9, butyag sa RTWPB-12.
Ilawom sa wage order pinetsahan May 18,2022, ang daily nga suholan sa rehiyon ang gidungagan og P32.00. Rason sa pagsaka sa P368.00 alang sa non-agriculture sector workers ug P347.00 sa agriculture workers.
Una nang, gibutyag nga ihatag kini pinaagi sa duha ka tranche ang unang P16.00 ang epektibo sa Hunyo 9 samtang ang ikaduha epektibo sa Septyembre 1, 2022. Sa ulahing pamahayag ni Jessie Dela Cruz, secretary sa RTWPB-12 ang pagsaka sa presyo sa nag-unang palaliton ang rason sa pagpasaka sa suholan sa rehiyon.
Ang wage orders ang mahimong epekto 15 kaadlaw human ang publication sa mga mantalaan nga dunay regional circulation. I Richel Gubalani
