Umiiwas at halatang lumilihis umano si Vice President Sara Duterte sa mga isyung kinakaharap niya ngayon.
Ito ang sinabi ni Zambales Representative Jay Khonghun kasunod ng mga naging pahayag ni VP Sara laban kay Pangulong Ferdinand “Bongbong” Marcos Jr.
Sa panayam ng Brigada NewsFm Manila kay Zambales Representative Jay Khonghun, idiniin nitong halatang halata na dine-deflect ng Bise Presidente ang mga isyu laban sa kanya.
Giit pa ni Khonghun, nakitaan ito ng ‘gross negligence’ lalo na raw pagdating sa pag-disburse ng mga pondo.
Maliban dito, nakikita rin ng Congressman na may mga kakulangan at butas ngayon ang batas lalo na umano sa pag-liliquidate ng confidential funds.
