Gipangunahan mismo ni Vice President ug DepEd Secretary Sara Duterte ang Brigada Eskwela activities sa tulo ka mga tulonghaan sa mga lagyong barangay sa Davao City kagahapong adlawa.
Ang mga tulonghaan nga gaidtuan ni VP Inday mao ang Tapak Elementary School sa Barangay Tapak sa Paquibato District, sa Gumitan Elementary School sa Barangay Gumitan sa Marilog District, ug sa Dominga Elementary School sa Barangay Dominga sa Calinan District.
Kahinumdoman nga ang maong mga brgy. ang kanhi kontrolado sa NPA hangtod nga hingpit na nga nanghawa ang mga terorista sa tanang barangay sa syudad sa Davao.
Makita sab sa panagway sa Kalihim nga nag-enjoy kini sa pakighalobilo sa mga lumad nga mga estudyante ug mga residente sa mga lugar.
