LEGAZPI CITY – Nilipat kan Commission on Elections (COMELEC) Legazpi an voter registration sa mga mall sa syudad. Ini an sinabi ni COMELEC Legazpi Election Officer Atty. Connie Del Castillo sa Brigada News FM Legazpi.
Tinawan-duon kaini na mapuon an pagpaparehistro sa bilog na nasyon sa Pebrero 12 hasta Setyembre 30 ngunyan na taon.
Sa Legazpi, puon ngunyan na bulan hasta sa Marso, isasagibo an registration sa SM City Legazpi. Pag-abot naman kan Abril hasta Mayo, gigibuhon ini sa Pacific Mall.
Sa Ayala Malls naman pag-abot kan Hunyo hasta Hulyo, mantang ibabalik man sa SM an registration pag-abot kan Agosto hasta Setyembre.
Segun kay Del Castillo, ini nganing dakol na mga registrants an saindang maakomodar sa syudad huli ta sadit man sana an saindang opisina.
