Kinumpirma ng Coastguard District Palawan ang namataang Vietnamese fishing vessel sa karagatan ng Pag-asa Island.
Ayon kay LTSG GRETCH MARY B. ACUARIO, Public Information Officer ng CGDPal , isang buwan na ang lumipas nang huli itong namataan ng lokal na mangingisda pero nagpapabalik- balik kaya paulit-ulit din na itinaboy.
Itinaggi ni Ltsg. Acuario na nagsagawa ng cyanide at dynamite fishing ang mga Vietnamese sa palibot ng isla.
Sa kabila nito, tiniyak ng Coastguard District Palawan na hindi banta sa mga lokal na mangingisda ang kanilang presensya.
Samantala, patuloy naman ang security patrol ng coastguard sa isla kasama ang ibang unit.
