NAAPEKTUHAN ang pipila ka vendor sa Bulaong Terminal sa GenSan tungod mihinay ang pasahero dungan sa nasinatian nga pagbusikad sa bomba sulod sa bus sa Tacurong City.
Matud ni Catalina Fuentes nakalabay nga mga adlaw kusog ang palit sa iyang baligya apan sukad nahitabo ang maong insidente naobserbahan niya nga gamay ang nagapalit sa iyang tinda nga mga pagkaon ug wala kini nahurot og kahalin.
Luyo niini nakasinati ang Ginang og kahadlok ilabi na nga matag adlaw siya nagapamaligya sulod sa nasangpit nga terminal. Klase-klase sumala pa ang mga tawo nga nagasulod gawas sa terminal ug mao kini ang kanunay niyang ginabantayan ilabi na kadtong mudool og mopalit sa iyang baligya.
Naglaom ang nasangpit nga dili na mausab ang nahitabong pagbusikad tungod makahatag kini og kahadlok sa mga tawo, ug daghang negosyante ang maapektuhan. I Enamie Mogpon
